Við höfum gjörbylt stafrænni skráningu á Reykjalundi á síðustu árum. Það lá beinast við að við að fullnýta Sögu sem var þegar í notkun og færa upplýsingar úr öðrum kerfum yfir í hana. Markmiðið er að skapa bætta yfirsýn fyrir starfsfólk yfir meðferðir sjúklinga þvert á deildir. Ekki síður er verið að bæta öryggi meira, bæði fyrir sjúklinga og starfsfólk. Við getum til að mynda hætt að prenta út 200 stundaskrár á viku með tilheyrandi sparnaði!

Iðunn markar tímamót fyrir öll hjúkrunarheimili á Íslandi og vafalaust fleiri heilbrigðisstofnanir sem munu geta nýtt sér appið. Þetta er stórt framfaraskref fyrir öldrunarþjónustu á Íslandi sem við á Hrafnistu erum stolt af því að leiða.

Rekjanleiki, áreiðanleiki og tækninýjung. Tikkar í öll böxin. Auðvelt að kenna á Lyfjavaka, þægilegt að vinna með þetta og allir alsælir með kerfið hjá mér. Ferlið er öruggara og tekur minni tíma þegar allt er skráð. Áður þurfti að fletta upp í blöðum og ekki víst að allt hafi verið rétt alltaf á blöðum.

Við vildum þróa rafræna samskiptagátt til að bæta þjónustu og stuðning við sjúklinga sem eru í meðferð við krabbameini á Landspítalanum. Tilgangur með samskiptagáttinni er að þróa notendavæna og örugga samskiptagátt sem tengist sjúkraskrá sjúklings svo að sjúklingur geti tekið virkað þátt í sinni meðferð heiman frá og meðferðateymi sjúklings sé með betri yfirsýn yfir líðan hans og þarfir. Þá er mikilvægt að hafa aðgengi að ýmsum matstækjum eins og spurningarlistum til að athuga einkenni og líðan, hafa aðgengi að viðurkenndu fræðsluefni og bjóða upp á persónuleg samskipti við fagfólk í öruggu umhverfi.

Deildarvakinn nýtist öllu heilbrigðisstarfsfólki sem sinnir sjúklingum á deildinni. Við aðlöguðum deildarvakann að starfsemi hverrar deildar. Innleiðingin gekk mjög vel og allir sáu að hér væri á ferðinni afar góð lausn. Á bráðamóttökunni hefur Deildarvakinn breytt sjúklingaflæðinu, forgangsflokkun hefur orðið mun markvissari og biðtími hefur styst. Margir verkferlar hjá hjúkrunarfræðingum og læknum hafa breyst til hins betra. Eftir að deildarvakinn var tekinn upp hjá legudeildum er mun betra að fá yfirsýn yfir starfsemi deildarinnar, bæði sjúklingalega séð og mönnunarlega vegna þess að allar breytingar á sjúklingaflæði eru á raun tíma.

Sýnatökur taka nú ótrúlega skamman tíma; einfalt er að nota strikamerkin og mikil hagræðing er í mannafla. Með breyttu vinnulagi tökum við nú 2.000 sýni á dag en vorum áður að taka um 200 sýni. Þetta var gríðarlegur fjöldi sýna en þau eru tekin með miklu minna átaki. [Um aukið hagræði í sýnatöku á COVID-19.]