17/03/2026
Blogg
Silva bætir tímabókanir í heilbrigðisþjónustu - Tilnefning til íslensku vefverðlaunanna
Silva hefur hlotið tilnefningu til Íslensku vefverðlaunanna í flokknum Tækninýting ársins. Verðlaunin eru veitt af Samtökum vefiðnaðarins (SVEF) og verða afhent í Hörpu fimmtudaginn 26. mars.
Lausnin einfaldar tímabókanir og tilvísanir í heilbrigðisþjónustu með sjálfvirkni, sem dregur úr handavinnu, styttir biðlista og bætir vinnuflæði. Tilnefningin undirstrikar mikilvægi nýrrar tækni í að bæta þjónustu og auka skilvirkni.
Við erum afar stolt af þessari tilnefningu. Flestar lausnir í heilbrigðisþjónustu reyna að laga yfirborðið, en vandamálið liggur dýpra. Með Silvu erum við að leysa kjarna vandans með betri yfirsýn, forgangsröðun og samhæfingu.
Einar Geirsson
Forstöðumaður nýþróunar hjá Helix
Samræmt ferli frá tilvísun að tíma
Silva er hönnuð til að einfalda og samræma ferlið frá tilvísun að bókuðum tíma. Lausnin sameinar alla þætti í eina heild, sem gerir kleift að forgangsraða rétt og nýta tíma betur. Þegar grunnurinn er í lagi geta sjúklingar tekið virkan þátt, bókað sjálfir og nálgast réttar upplýsingar á réttum tíma.
Allt sem þarf fyrir skilvirkari móttöku
Skjólstæðingar geta bókað og staðfest tíma sjálfir, á meðan starfsfólk fær rauntímayfirsýn yfir biðlista og getur forgangsraðað með einföldum hætti. Lausnin styður beina bókun í dagatöl Sögu, býður upp á sjálfsafgreiðslu og tryggir örugga hýsingu og gagnavörslu og getur jafnframt starfað sem sjálfstæð lausn með eða án annarra kerfa.
Nánar um Silvu hér
Deildu gleðinni
