
17/11/2026
Blogg
Vinnuvernd einfaldar bókanir í bólusetningar með Silvu
Þegar mörg hundruð bókanir í inflúensubólusetningar fara fram á stuttum tíma getur hver handvirk skráning skipt máli. Vinnuvernd býður fyrirtækjum upp á inflúensubólusetningar á vinnustað, þar sem hjúkrunarfræðingar koma á staðinn og bólusetja starfsfólk. Fyrirtæki geta óskað eftir slíkri heimsókn og Vinnuvernd sér um skipulagningu og framkvæmd bólusetninganna. Áður fór mikill tími í tölvupóstsamskipti, Excel-skjöl og utanumhald bókana, sérstaklega á haustin þegar eftirspurnin er mest.
Með innleiðingu Silvu hefur bókunarferlið verið einfaldað til muna. Starfsfólk fyrirtækja getur nú sjálft bókað tíma í bólusetningu, sem dregur úr handvirkri umsýslu og gefur starfsfólki Vinnuverndar meira svigrúm til að sinna öðrum verkefnum.
Við ræddum við Guðríði Þorgeirsdóttur, hjúkrunarfræðing og sviðsstjóra heilbrigðissviðs hjá Vinnuvernd, um hvernig Silva hefur nýst við bókanir í bólusetningar og hvaða áhrif breytingin hefur haft á daglega starfsemi.
Frá tölvupóstum og Excel yfir í sjálfsafgreiðslu
Áður en Vinnuvernd tók Silvu í notkun fóru samskipti við fyrirtæki að mestu fram í gegnum tölvupóst og upplýsingar um bókanir, fjölda þátttakenda og tímasetningar voru skráðar og uppfærðar í Excel-skjölum.
Guðríður lýsir því hversu mikil umsýsla fylgdi ferlinu:
Þetta kallaði á töluverða umsýslu, sérstaklega á haustin þegar fjöldi fyrirtækja óskar eftir inflúensubólusetningum á tiltölulega stuttum tíma. Mikill tími fór í að halda utan um skráningar, svara fyrirspurnum og tryggja að allar upplýsingar væru réttar og uppfærðar.
Guðríður Þorgeirsdóttir
Hjúkrunarfræðingur og sviðsstjóri heilbrigðissviðs hjá Vinnuvernd

Áskorunin fólst ekki aðeins í fjölda bókana heldur einnig í því að halda yfirsýn þegar margar bókanir voru í gangi samtímis. Samræma þurfti upplýsingar milli fyrirtækja, starfsfólks og þeirra sem sáu um framkvæmd bólusetninganna, auk þess að halda utan um breytingar á bókunum.
Við vildum því finna leið til að einfalda ferlið, draga úr tvíverknaði og gera bókanir skilvirkari fyrir alla aðila, bæði okkur og okkar viðskiptavini.
Guðríður Þorgeirsdóttir
Hjúkrunarfræðingur og sviðsstjóri heilbrigðissviðs hjá Vinnuvernd
Greinilegur munur í daglegri umsýslu
Með Silvu hefur bókunarferlið orðið sjálfvirkara og dagleg umsýsla léttari hjá Vinnuvernd. Guðríður lýsir því hvernig breytingin hefur haft áhrif á starfsemina:
Í stað þess að stór hluti tímans fari í að taka við skráningum og færa upplýsingar handvirkt geta starfsmenn nú í auknum mæli sinnt öðrum verkefnum og einbeitt sér að skipulagningu og þjónustu við viðskiptavini.
Guðríður Þorgeirsdóttir
Hjúkrunarfræðingur og sviðsstjóri heilbrigðissviðs hjá Vinnuvernd
Guðríður nefnir nokkur atriði sem hafa skipt Vinnuvernd mestu máli í nýja bókunarferlinu:
Sjálfsafgreiðsla: Starfsfólk fyrirtækja getur sjálft bókað tíma í bólusetningu án þess að þurfa að hafa samband við Vinnuvernd.
Bókanir eftir póstnúmerum: Hægt er að beina starfsfólki að réttum bókunarmöguleikum eftir staðsetningu fyrirtækisins.
Minni handavinna: Dregið hefur úr handvirkum skráningum og endurteknum tölvupóstsamskiptum.
Tímasparnaður: Bæði starfsfólk Vinnuverndar og tengiliðir fyrirtækja spara tíma við skráningar og utanumhald.
Munurinn á daglegri umsýslu er greinilegur. Með aukinni sjálfvirkni hefur dregið úr álagi og starfsfólk Vinnuverndar fengið meira svigrúm til að sinna öðrum verkefnum. Þegar mörg hundruð bókanir fara fram á stuttum tíma getur jafnvel tiltölulega einföld breyting á bókunarferli haft mikil áhrif á starfsemina.
Örugg meðferð viðkvæmra upplýsinga
Öryggi og trúnaður skipta Vinnuvernd miklu máli þar sem fyrirtækið vinnur daglega með viðkvæmar persónu- og heilbrigðisupplýsingar. Guðríður segir þetta hafa verið mikilvægan þátt í vali á Silvu:
Öryggi og trúnaður eru grundvallaratriði í starfsemi Vinnuverndar enda vinnum við daglega með viðkvæmar persónu- og heilbrigðisupplýsingar. Þess vegna veljum við að fara þessa leið með Silvu. Það skiptir okkur miklu máli að nota lausnir sem eru hannaðar með þarfir heilbrigðisþjónustu í huga og styðja við örugga meðferð upplýsinga.
Guðríður Þorgeirsdóttir
Hjúkrunarfræðingur og sviðsstjóri heilbrigðissviðs hjá Vinnuvernd
Reynsla Vinnuverndar sýnir hvernig einfaldara bókunarferli getur dregið úr daglegri umsýslu og gert þjónustuna aðgengilegri fyrir viðskiptavini. Þótt innleiðingin sé enn í þróun hefur breytingin þegar haft jákvæð áhrif á starfsemina.
Innleiðing Silvu hefur einfaldað utanumhald bólusetninga hjá Vinnuvernd til muna. Við höfum dregið úr handvirkri vinnu og gert skráningarferlið mun aðgengilegra fyrir viðskiptavini okkar. Þetta hefur skilað sér í skilvirkari vinnubrögðum og betri nýtingu á tíma starfsfólks.
Guðríður Þorgeirsdóttir
Hjúkrunarfræðingur og sviðsstjóri heilbrigðissviðs hjá Vinnuvernd
Kynntu þér Silvu
Einfaldaðu bókanir og gefðu starfsfólkinu meiri tíma til að sinna því sem skiptir máli. Silva býður upp á sjálfsafgreiðslu í tímabókunum, dregur úr handvirkri umsýslu og auðveldar utanumhald. Lausnin er hönnuð með þarfir heilbrigðisþjónustu í huga og aðlagast ólíkri starfsemi.
