Innsýn í heilbrigðiskerfið nýtist í þróun stafrænna lausna

Hvað er Vaka?    

Vaka er samskiptagátt fyrir skjólstæðinga og meðferðaraðila innan heilbrigðiskerfisins sem auðveldar eftirfylgni og stuðning.

Í Vöku geta meðferðaraðilar meðal annars:

• Sent skjólstæðingum fræðsluefni

• Sent og fengið svör við spurningalistum

• Átt samskipti við skjólstæðinga í gegnum skilaboðakerfi

Lausnin veitir meðferðaraðilum góða yfirsýn yfir skjólstæðinga sína. Þeir geta séð hvort og hvenær spurningalistum hefur verið svarað, síað skjólstæðingalista eftir ábyrgum læknum eða hjúkrunarfræðingum og sett upp áminningar um meðferð eða eftirfylgni.

Fjarheilbrigðislausnir létta á álagi í heilbrigðiskerfinu

Einstaklingar með langvinna sjúkdóma og fólk yfir 67 ára aldri eru stór hluti þeirra sem nýta þjónustu heilbrigðiskerfisins. Báðum hópum hefur fjölgað undanfarin ár og sú þróun er líkleg til að halda áfram.

Þessi þróun eykur álag á heilbrigðiskerfið. Með fjarheilbrigðislausnum eins og Vöku er hægt að einfalda samskipti milli skjólstæðinga og heilbrigðisstarfsfólks og spara tíma fyrir báða aðila.

Þannig verður auðveldara að mæta vaxandi þjónustuþörf.

Aldraðir og fólk með langvinna sjúkdóma þurfa oft regluleg samskipti

Margir skjólstæðingar heilbrigðiskerfisins þurfa reglulega eftirfylgni. Þetta á sérstaklega við um:

• Fólk með langvinna sjúkdóma

• Einstaklinga í bata eftir alvarleg veikindi

• Aldraða sem þurfa reglulegt eftirlit

Með stafrænum lausnum er hægt að halda betur utan um þessi samskipti án þess að skjólstæðingar þurfi alltaf að mæta á heilbrigðisstofnun.

Oft þörf á stærra inngripi ef samskiptin eru minni 

Með aðstoð Vöku geta skjólstæðingar átt samskipti við sinn meðferðaraðila og fengið úrlausn á vandamálum snemma í ferlinu. Það getur komið í veg fyrir versnun einkenna og minnkað líkur á að leita þurfi aðstoðar á heilbrigðisstofnun og mögulega komið í veg fyrir innlögn á sjúkrahús. Þarna er hagnaður bæði fyrir ríkið og skjólstæðinginn.“ segir Þorbjörg. 

• Áætlaður kostnaður við innlögn skjólstæðings á Bráðamóttökuna í Fossvogi er 209.750 krónur á sólarhring. Með því að fækka innlögnum sparast ekki bara töluvert fjármagn heldur minnkar álag á bráðamóttökuna og starfsfólk hennar. 

Tímasparnaður fyrir skjólstæðinga og heilbrigðisstarfsfólk 

„Vaka gagnast einnig skjólstæðingum í skammtímaúrræðum,“ segir Þorbjörg. „Með því að svara spurningarlistum og lesa fræðsluefni fyrirfram er hægt að stytta tímann sem skjólstæðingur þarf að vera í umsjón meðferðaraðila. Þannig er möguleiki að stytta biðlista sem eru þrálátt vandamál vaxtaverkja og manneklu í heilbrigðiskerfinu.“ 

Auðeldari eftirfylgni 

Eftirfylgni er mikilvægur þáttur í þjónustu heilbrigðiskerfisins. Hjá skjólstæðingum sem hafa gengist undir skurðaðgerðir eykur reglulegt eftirlit líkur á því að hægt sé að bregðast hratt við mögulegum fylgikvillum í kjölfar aðgerðar. Það sama má segja um þá sem eru í krabbameinsmeðferð, brýnt er að grípa fljótt inn þegar aukaverkannir meðferðarinnar gera vart við sig. Rannsóknir hafa sýnt að notkun fjarheilbrigðislausna í eftirfylgni eykur líkur á að heilbrigðisstarfsfólk verði vart við einkenni sem kalla á frekari skoðun. Skjólstæðingar átta sig ekki alltaf á því hvaða einkenni eru alvarleg og leita þá ekki eftir aðstoð. Með því að gera heilbrigðisstarfsfólki kleift að fylgjast með einkennum og framvindu getur það komið auga á mögulegar hættur og brugðist við. 

Lausnir eins og Vaka styðja við heilbrigðisstefnu Íslands

Hluti af heilbrigðisstefnu Íslands til ársins 2030 er aukin notkun stafrænna lausna í fjarheilbrigðisþjónustu.

Slíkar lausnir geta:

• Auðveldað fólki að búa lengur heima

• Bætt aðgengi að heilbrigðisþjónustu á landsbyggðinni

• Fækkað ferðum á heilbrigðisstofnanir

• Sparað tíma bæði skjólstæðinga og heilbrigðisstarfsfólks

Stafræn heilbrigðisþjónusta getur skipt sköpum fyrir framtíð heilbrigðiskerfisins. Með betri samskiptum, markvissari eftirfylgni og snemmtækum inngripum er hægt að bæta líðan skjólstæðinga og draga úr álagi á kerfið. Lausnir eins og Vaka eru dæmi um hvernig tækni og innsýn úr heilbrigðisstarfi geta saman stuðlað að skilvirkari og mannúðlegri þjónustu.